Тӑвай районӗнчи Алексей тата Анна Андреевсем хӑйсем ҫемье ҫавӑрнине Мускавра уявлама йышӑннӑ. Вӗсем ҫӗршывӑн тӗп хулинче, унти ВДНХри «Раҫҫей» куравра, мӑшӑрланнӑ.
Туя ҫамрӑксем хамӑр халӑхӑмӑрӑн йӑли-йӗркине пӑхӑнса ирттернӗ.
Ҫамрӑк мӑшӑра пурнӑҫри паллӑ пулӑмпа Шупашкар хулин пуҫлӑхӗн тивӗҫӗсене вӑхӑтлӑх пурнӑҫлакан Владимир Доброхотов саламланӑ. Вӑл вӗсене ҫемьере килӗшӳпе ҫураҫу суннӑ. Шупашкар хулин элемӗллӗ парнепе чысланӑ.
Тӑвай районӗнче М-12 «Хӗвелтухӑҫ» ҫула тунӑ чухне ваннӑ ҫула юсама тытӑннӑ. Асӑннӑ ӗҫе «Энӗш» тата «Тӑвай-Чутей-Аслӑ Кайбицы» ҫулӑн Тӑвай районӗнчи пайӗнче пурнӑҫлаҫҫӗ.
«Энӗш» ҫул ҫинчи 5 пин тӑваткал метр ытла лаптӑк ҫинчи кивӗ асфальта илсе ҫӗнннине сарӗҫ, «Тӑвай-Чутей-Аслӑ Кайбицы» ҫул ҫинче – 35 пин тӑваткал метр.
Юсав ӗҫне пурнӑҫлаканни — «Автодор» предприяти. ӖҪе пурнӑҫланине саплаштармалли тӑкака «М-12» ҫулӑн проектне тунӑ чухне пӑхса хӑварнӑ.
Тӑвай тӑрӑхӗнчи Кӗрше ялӗнчи пӗвене 1383 вӗтӗ пулӑ янӑ. Ҫав Вӑл шутра – шурӑ амур, карп, сазан.
Телеграмри «Чӑваш Ен калаҫать» каналта пӗлтернӗ тӑрӑх, Мучар тӑрӑхӗнчи ялсенчи пӗвесемпе кӳлӗсенчи пулӑ йышне ӳстерес шухӑш тахҫанах пулнӑ. Экологи ҫулталӑкӗнче тинех ӑна пурнӑҫа кӗртме май килнӗ.
Вӗтӗ пулла вырӑнти ҫамрӑксем пулӑ хуҫалахӗнче хӑйсен укҫипе туяннӑ.
«Шывра чӗрчунсем ӗрчесен пӗве те тасалӗ», — шанаҫҫӗ вырӑнтисем.
Паянхи ир тӗлне 4 округри ялсенче шыв-шур сарӑлнӑ: Патӑрьел, Шӑмӑршӑ, Елчӗк, Ҫӗрпӳ. Хӑш-пӗр ялта урам тӑрӑх шыв вӑйлӑ юхать. Вӗсенче пӑрӑхсене тасатаҫҫӗ, канавсем чаваҫҫӗ.
Хальхи вӑхӑтра республикӑра тивӗҫлӗ службӑсем юр мӗнле ирӗлнине, юханшывсем ҫыранран тухнипе тухманнине тӗрӗслесе тӑраҫҫӗ. Сӑрта, Атӑлта тата Мӑн Ҫавалта стационар посчӗсенче тӗрӗслев йӗркеленӗ.
Лару-тӑру япӑх аталанас тӑк 17 округри 57 ял-салана шыв-шур илме пултарать. Ҫапла пӗлтернӗ ЧР Элтеперӗ Олег Николаев.
Паян иртенпе республикӑра юрпа ҫумӑр ҫунӑран, ҫил ҫеккунтра 12-15 метр хӑвӑртлӑхпа вӗрнӗрен хӑш-пӗр округи ялсем электричествӑсӑр юлнӑ.
Инкеклӗ лару-тӑру патшалӑх комитечӗ пӗлтернӗ тӑрӑх, Патӑрьел, Тӑвай тата Канаш округӗсенчи хӑш-пӗр ялта ҫутӑ сӳннӗ. Халӗ унта электриксем ӗҫлеҫҫӗ. Пӗтӗмпе 8 бригада, 76 ҫын тата 8 техника, ӗҫлет.
«Погода 21» проект авторӗ Владимир Михайлов пӗлтернӗ тӑрӑх, ҫитес сехетсенче ҫурҫӗр енчен вӗрекен ҫил татах вӑйланӗ, ҫеккунтра 19-20 метр хӑвӑртлӑхпа вӗрӗ.
Унччен Тӑвай округӗнчи Тӑрмӑш ялӗнче пурӑнакансене фельдшер колхоз правленийӗ пулнӑ ҫуртра йышӑннӑ. Ҫак кунсенче унта ҫӗнӗ ФАП уҫӑлнӑ.
Ҫӗнӗ медпунктра газ, ӑшӑ шыв, кирлӗ медицина хатӗр-хӗтӗрӗ пур. ФАП ку тӑрӑхра пурӑнакан 1200 ытла ҫынна йышӑнӗ.
Ҫав кунах Кармал ялӗнче те ҫӗнӗ ФАП уҫӑлнӑ. Унччен унта кун кунлакан 300 ытла ҫын фельдшер патне ялти клуба ҫӳренӗ.
Тӑвай округӗнчи Кушкӑ ялӗнче пурӑнакансем ялти клуб тӑррине витес тесе пуҫаруллӑ бюджет программипе усӑ курнӑ. Ҫынсем 99 пин тенкӗ ытла пухнӑ, ытти, 1 миллион та 599 пин те 540 тенки – республика хыснинчен.
Клуб тӑррине витме пӗтӗмпе 1 миллион та 990 пин тенкӗ кирлӗ пулнӑ. Паянхи кун клуб тӑррине сӳтнӗ, унта ӗҫсем пыраҫҫӗ.
Палӑртмалла: клуба 1988 ҫулта хута янӑ. Унтанпа ӑна тӗпрен юсаман. Тӑрри кивелнӗ, хӑмисем ҫӗрнӗ.
Клуба ҫӗнетни 110 ытла ҫын пурӑнакан ялшӑн питӗ пысӑк та пӗлтерӗшлӗ ӗҫ пулӗ.
Вӑрмар округӗн арҫыннине йывӑҫ каснӑшӑн суд тӑвӗҫ.
Пӗлтӗр юпа уйӑхӗнче вӑл Тӑвай округӗнчи вӑрманта пулнӑ. Унта 10 юман тата 4 вӗрене каснӑ. Пӗрисем йӗркеллисемех пулнӑ, теприсем - хӑрнисем. Анчах унӑн йывӑҫ касма паракан докумен пулман.
Унтан арҫын йывӑҫсене вакланӑ, пӗр пайне хӑйӗн машинипе тиесе кайнӑ, теприсене кайран килсе килме шутланӑ. Анчах вӑрман инспекторӗсем ӑна тытса чарнӑ.
Арҫын вӑрман фондне кӳнӗ тӑкака, 67 пин тенке, саплашарнӑ. Ҫапах унӑн судра явап тытма тивӗ.
Вӑрмарсем паттӑр ентешне, ятарлӑ ҫар операцийӗнче пуҫ хунӑ Владимир Сергеева асӑнса йӗлтӗр йӗрӗ ҫине тухнӑ.
Телеграмри «Чӑваш Ен калаҫать» каналта пӗлтернӗ тӑрӑх, Пати ялӗн маттур ывӑлӗ – йӗлтӗрпе чупассипе Раҫҫей спорт мастерӗ, Паттӑрлӑх орденӗн кавалерӗ, аслӑ лейтенант.
«Вӑл такӑрлатса ӑсталӑхне туптанӑ йӗлтӗр йӗрне хӗл каҫипех Чупай шкулӗнче вӗренекенсем якатаҫҫӗ.
Пухӑннисем малтанах паттӑр ентешне халалланӑ асӑну хӑми умне чӗрӗ чечексем хучӗҫ», – пӗлтернӗ хыпарта.
Старта Вӑрмар округӗнчи йӗлтӗрҫӗсемпе пӗрлех Шупашкар, Канаш хулисенчен, Кӳкеҫ поселокӗнчен, Ҫӗрпӳ, Тӑвай тӑрӑхӗнчен килнӗ спортсменсем те тухнӑ.
Ҫӗнтерӳҫӗсене дипломсемпе, медальсемпе, хаклӑ парнесемпе чысларӗҫ.
Кӑрлач уйӑхӗн 18-мӗшӗнче Тӑвай муниципаллӑ округӗнчи Тӗмер ялӗнче пӗр кил хуҫалӑхӗнче пушар пулнӑ. 51 ҫулти арҫын хуҫалӑхӗнче хуралтӑ таврашӗ ҫуннӑ.
Пушар кирпӗчрен купаланӑ вите урайне сиенлетнӗ. Инкекре чӑхсем ҫунса вилнӗ. Кил хуҫи 30 чӑхсӑр тӑрса юлнӑ.
Ҫав кунах Ҫӗмӗрле муниципаллӑ округӗнчи Ҫӗмӗрле ялӗнчи шкулта пушар пулнӑ. Унта хуралҫӑ пӳлӗмӗнчи матрас ҫуннӑ. Никам та шар курман.
+2.0 °C